Das Lied "Langstrass" stammt vom Album "Sud des Alpes"
Hier finden Sie den kompletten Text:
LANGSTROSS
1
LANGSTROSS, DU BISCH DIA SCHÖNSCHTI GASS
VUM SCHNEE GANZ WISS , VUM RÄGA NASS
DINI ROT UND GRÜANA LIECHTER LÜCHTEN ÜS DER WÄG
GRAD UF GRAD AB UND HÖLLISCH SCHRÄG
LIICHT WIA FRISCHI WÄSCH IM WIND
UND HEISS WIA PÄCH SIND DINI KINDER
CHRISCHTA, BUDDHISCHTA, JUDA, MOSLEM ,HINDUINDER
UF DA BALKÖN LÄBEN HÜANER LÄMMER RINDER
DU SELBER LOSCH DIA GOLDIGA KÄLBER LOS
REKLAMA FALLEN AB DA DÄCHER ÜS IN SCHOSS
DINI WÜNSCH UND WUNDER FÄRBEN ALLI WUNDA ROSAROT
2
LANGSTROSS BISCH DIA SCHÖNSCHTI GASS
BITTERA ZUCKER UND SALZIG DER SPASS
DR ASPHALT GLÄNZT IM MORGAGRAU WIA NEU
DINI NODLA GLITZREN GHEIMNISVOLL IM HEU
MIT FAHRIGA FINGER BEHELFEN SICH ZWA
DA KIRCHTURMSCHLÄG ISCHS EINERLEI
ERSCHINEN DINI JUNGA , SO VERSCHWINDEN DIA ALTA
DIA AINTA MÜANS SUACHA, DIA ANDRA WENNS BHALTA
DU TRUCKSCH FÜR JEDA DINI AUGA ZUA
VU PLATZ ZU PLATZ SCHICKSCH ERLÖSIG UND RUAH
DINI WÜNSCH UND WUNDER...............
3
LANGSTROSS DU BISCH DIA SCHÖNSCHTI GASS
GSCHLISSENI STRÜMPF UND HUUT GANZ BLASS
JEDEM GISCH, WENNS DRINGEND ISCH, ÖPIS WONA TRÄNKT
WELL USSER DIAR JO NIEMERT MEH ANS SCHENKA TENKT
DURCH DINI SCHMALA HÜFTA ZITTERET DER FÖHN
DU SCHIABSCH FÜR ÜS D AUTOS, SEGNISCH ÜSERI SÖHN
HEILIGSCH DINI TÖCHTER UND DIA STAUBIG ERDA
WAS HÜT NIT ISCH, DAS KÖNNT NO WERDA
KAI HAHN WO KRÄHT, WENN D SUNNA KUNNT
IM HINTERGRUND DO BELLT EN HUND
DINI WÜNSCH UND WUNDER................
4
LANGSTROSS, BISCH DIA SCHÖNSCHTI GASS
AN DIAR KLEBT NO HOFFNIG, UND DRÜBER WACHST GRAS
NACH MITTERNACHT SIND D JODLER UF DER PIRSCH
UND IN DER TUNNELRÖHRA, WAIDET GRAD DER HIRSCH
DRÜBER TONNERET DER ZUG NACH SOWIESO IN D WELT
ES BLITZT UND HAGLET, GRAD WIA BESTELLT
IM FAHLA MONDLIACHT WIMMERET A KIND
WENN D GLEIS IM NACHTFROSCHT FUNKLIG SIND
GISCH DINA FREIA MEH MINUTA INERA STUND
GIER WIRD HAB UND GUAT WIRD SCHUND
DINI WÜNSCH UND WUNDER....................
5
LANGSTROSS DU BISCH DIA SCHÖNSCHTI GASS
SCHACH UND MATT UND JAZZ UND JASS
LESISCH US DER HAND UND KLAPPRISCH MIT DA TÜRA
TEILSCH DINI KUTTA, KAINA SÖLL FRÜÜRA
BISCH AN EINZIG WILDA ZAUBERGARTA
IN JEDEM TOTA WINKEL GSEHT MA ENGEL WARTA
UND SCHREIT’S AU US DER SIITASTROSS
MIT GNADASTOSS IM NOCHBERSHUUS
DO LUAGEN ALL DIE ZWUNGENA FRAUA DRUSS
IM LIACHTSCHACHT LIGT EN ROSASTRUSS
DINI WÜNSCH UND WUNDER FÄRBEN ALLI WUNDA ROSAROT
